केस हा आपल्या शरीराचा अविभाज्य; पण दुर्लक्षित भाग समजला असे. हल्ली सौंदर्यशास्त्र चिकित्सेनुसार केसांचे सौंदर्य राखण्यासाठी लक्ष दिले जाते. वैद्य हरीश पाटणकर यांनी यावर आयुर्वेदाच्या दृष्टीने केसांवर सुंदर व सुरक्षित चिकित्सापद्धती तयार केली असून, त्याची माहिती ‘केशायुर्वेद’मधून दिली आहे.
उत्पत्ती स्थिती व लय हा सृष्टीचा नियम केसांना कशा पद्धतीने लागू पडतो, हे सांगत केश त्रिदोष विचार समजून दिले आहे. केश व सप्तधातू संबंध, केश व त्रिमल विचार, केश व पंचमहाभूत विचार, केश षडरस संबंध, आहाराचा कमी-अधिक, चांगला-वाईट परिणाम आदी माहिती दिली आहे. कोंडा होणे, चाई पडणे, केस गळणे, केस पिकणे, केश दुभंगणे, खडवे पडणे, उवा होणे आदी केसांसंदर्भातील समस्यांची कारणे व त्यावरील आयुर्वेदीय उपाय सांगितले आहेत. अनावश्यक केस, आधुनिक सौंदर्य उपचारांचा केसांवरील परिणाम, केशवृद्धी उपचार, केसांचे पथ्यापथ्य आदींवरही मार्गदर्शन केले आहे.